Khasta Kachori Banavani Reet | ખાસ્તા કચોરી બનાવવાની રીત » Rasoi Ni Duniya

શું તમે પણ ઘરે ખાસ્તા કચોરી બનાવવા માંગો છો? જો હા, તો તમારે આ રેસિપી અંત સુધી જરૂર વાંચવી જોઈએ. આજે અમે તમને ખાસ્તા કચોરી બનાવવાની રીત સ્ટેપ બાય સ્ટેપ રેસીપી જણાવીશું, જેથી તમે કોઈપણ ભૂલ વગર તમારા ઘરે બનાવી શકશો.

સામગ્રી:

કણક માટે:

• 1 કપ મૈંદા
• 3 ચમચી ગરમ ઘી
• મીઠું
• પાણી

સ્ટફિંગ માટે:

• 1 કપ પલાળેલી મગની દાળ
• 1 ચમચી ચણાનો લોટ
• 2-3 બારીક સમારેલા લીલા મરચા
• 1-1.5 ઇંચ બારીક સમારેલ આદુ
• 1 ચમચી જીરું
• 1 ચમચી બરછટ પીસેલી કાળા મરી
• 1-1.5 ચમચી બારીક પીસેલા ધાણા
• 1 ચમચી બરછટ પીસેલી વરિયાળી (સૌનફ)
• ½ ચમચી હિંગ
• ½ ચમચી હળદર પાવડર
• 1-1.5 ચમચી લાલ મરચું પાવડર
• ¾ ચમચી ગરમ મસાલો
• 1 લીંબુનો રસ
• કોથમીર
• મીઠું
• 1 ચમચી ખાંડ
• તેલ

ખાસ્તા કચોરી બનાવવાની રીત

• એક બાઉલમાં મૈંદાનો લોટ લો. તેમાં મીઠું અને ગરમ ઘી ઉમેરીને બરાબર મિક્ષ કરી લો. ઘી સંપૂર્ણપણે લોટ શોષી લે ત્યાં ત્યાં સુધી તેને સારી રીતે મિક્સ કરો. હવે તેમાં પાણી ઉમેરો અને નરમ લોટ બાંધો. તેને 10 મિનિટ માટે સેટ થવા માટે બાજુ પર રાખો.
• હવે પલાળેલી મગની દાળમાંથી પાણી કાઢીને તેને મિક્સરમાં બરછટ પીસી લો.
• હવે એક કઢાઈમાં થોડું તેલ ગરમ કરો અને તેમાં જીરું, બારીક પીસેલા કાળા મરી, બારીક પીસેલા ધાણા, બારીક પીસેલી વરિયાળી નાખીને સારી રીતે સૌતે કરી લો.
• હવે તેમાં ઝીણા સમારેલા લીલા મરચા, બારીક સમારેલ આદુ, હિંગ નાખીને બરાબર હલાવો. ચણાનો લોટ ઉમેરીને બરાબર શેકી લો.
• હળદર પાવડર, લાલ મરચું પાવડર, ધાણા જીરા પાવડર અને ગરમ મસાલો ઉમેરો. સારી રીતે ભેળવી દો. પીસેલી મગની દાળ ઉમેરો અને તે સુકાઈ જાય ત્યાં સુધી હલાવો.
• લીંબુનો રસ, મીઠું અને ખાંડ ઉમેરો. બરાબર હલાવો અને કોથમીર ઉમેરો. ગેસ બંધ કરો અને સ્ટફિંગને ઠંડુ થવા દો.
• કણકને ફરી એકવાર મસળી લો. હવે કણકનો એક ભાગ લો અને તેને નાની પુરી બનાવો અને સ્ટફિંગ ઉમેરો. પૂરીને ચારેબાજુથી બંધ કરીને કચોરી બનાવો. હવે કચોરીને થોડું દબાવીને હળવા હાથે વણી લો.
  હવે કચોરીને તેલમાં નાખીને ગોલ્ડન બ્રાઉન થાય ત્યાં સુધી તળો. તૈયાર છે ખાસ્તા કચોરી.

જો તમને અમારી ખાસ્તા કચોરી બનાવવાની રીત પસંદ આવી હોય તો શેર કરજો. આવી અવનવી વાનગી જાણવા માટે રસોઈનીદુનિયા ફેસબુક પેજને ફોલો કરો.